|
Magaalada
Burco uu ku naafawday dagaaladii sokeeye, oo ku yimid
dibudhac badani dhinaca waxbarashada marka loo eego
magaalooyinka kale ee Somaliland ayaa waxaa hadda magaaladu
ku mashquulsantahay kasoo kabashada dhibkaas aan soo
sheegnay.
Dadka reer Burco oo lagu yaqaan firfircoonaan waxay
muujiseen dadaal
badan iyo niyad samaan. Waxaanay si fiican usugeen amnigii
magaalada.
Waxayna iska kaashadeen dhinacyada dibudhiska iyo horumarinta
magaalada. Dadkii qurbaha joogay ee degaankoodu ahaa
magaalada markay
arkeen dadaalka ballaadhan ee ay samaynayaan bulshada
degan magaalada
iyo xasiloonida hanaqaaday ayay dhiirigelisay inay maalgelin
ku
sameeyaan, kana dhistaan guryo quruxbadan, hudheelo,
iyo xafiisyo.
Haddaba jaaliyadda Jarmalka oo kamid ah jaaliyadaha
ugu yar Somaliland
ee qurbo jooga ah, haddana ah kuwo dadaal badan. Jaaliyaddu
waxaa ay
kasoo dhamaysay dawladda Jarmalka in dib u dhis lagu
sameeyo dugsiga
sare ee Farsamada Gacanta ee Burco oo ahaa dugsiga farsamada
gacanta ee gobolada bariga Somaliland oo dhan.
Sida uu ii sheegay guddoomiyaha ururka Peace Initiative
Mr. Omer Yussuf Hussein dibudhiska dugsigu wuxuu ku
kici doonaa 400,000 Euro ah. Waxaana dib loo dhisi doonaa
gebi ahaanba fasaladii, xafiisyadii, iyo guryihii dugsigaas.
Waxaana dugsiga lagu baran doonaa xirfadaha farsamadaha
gacanta oo ay
kamidka yihiin:
1. Saamaha iyo Hargaha
2. Dhismaha guryaha iyo waddooyinka .
3. Korontada iyo isgaadhsiinta
4. Baabuurta iyo mashiinada
Mr. Omer wuxuu ii sheegay in jaaliyaddaha reer Somaliland
ee qurbaha
jooga ku talo jiraan in mustaqbalka dugsiga farsamada
gacanta ee Burco
laga dhigi doono Jaacadda Sanaacadda ee Togdheer( University
Togdher
Technology). Laguna baran doono farsamada casriga ah
si looga baaxo
baahida jirta. Waxaase uu ii sheegay in hirgelinta arrintaasi
aanay
ahayn mid hawl yar una baahantahay dadaal badan iyo
gurmad badan oo ay
ka qaybgalaan iskana kaashadaan dhamaan shacbiga Somaliland
gudo iyo
dibadba.
Mr. Omer wuxuu sheegay in wafti kasocda urur samafal
oo Jarmala oo
hawsha fulin doonaa uu dhawaan u ambabixi Somaliland
si ay usoo indha
indheeyaan fulinta hawshaas. Dawladda Jarmalku awalba
iyadaa dhistay
qalabaysana dugsigan, haddana waxay rabaan inay dibuhabayn
ku sameeyaan si ay fursad u helaan da'yarta aan helin
fursadda waxbarasho iyo farsamo ay ku xoogsadaan.
Ugu danbayna Mr. Omer waxuu ka codsaday xukuumadda Somaliland
iyo
dadweynaha reer Burcaba inay gacan kasiiyaan si ay u
hirgasho hawshaasi muxiimka ah ee la rabo in wax lagu
daboolo baahida waxbarasho gaar ahaana dhinaca xirfadda
oo aad ugu yar guud ahaanba degaanada Maandeeq.
a
|
