|
Waxaana
uu Kristian Lindqvist oo ah nin horena meelo badan oo
afrika ah uga soo shaqeeyay uu sheegay in mashruucan
oo kale uu muhiimad badan u yeelanayo wax badana uu
ka kabi karayo dhaqaalaha Somaliland . Waxaa kale oo
shirkan goob joog ka ahaa gudoomiya jaaliyada Somaliland
ee Finland Cabdiqaadir Kayse Maacaleesh oo sheegay in
jaaliyadu kaalin wayn ka qaadan doonto sidii loo hirgelin
lahaa inay suurtagal noqoto mashruucan fulintiisu.
Cabdiraxman
Maxamed Cirro, Dr. Kari A .Kinnunen (Research Scientist
Mineralogy and Applied Mineralogy R&D Section)
Geological Survey of Finland.
Shirkii
xubnaha xisbiqarameedka Somaliland ee UCID ee Helsinki
Finland
Maalintii
Axadii ee 16.02.2003 ayaa xubnaha xisbiga UCID ee
Magaalada Helsinki ee dalka Finland ay isugu yimaadeen
shir laga hadlay arimo badan oo khuseeya xisbiga iyo
dalka Somaliland.
Aayado
quraan ah kadib waxaa halkaasi khudbad mahad naq ah
u soo jeediyay xubnaha xisbiga iyo taageerayaashiisaba
gudoomiyaha xisbiga Ucid Ing. Faysal Cali Waraabe
oo ka waramay sidii ay u dhacday doorashadii golaha
deegaanka ee Somaliland guud ahaanba . Halkaasi oo
gudoomiyahu ku xusay kaalintii waynayd ee xubanaha
iyo taageerayaashu UCID ay ka qaateen inuu xisbigani
ka mid noqdo xisbiyadii ku guulaystay doorashada deegaanka
ee Somaliland. Kana xog waramay u diyaargarawga doorashada
madaxweynaha Somaliland.
Xoghayaha
arimaha dibeda ee xisbiga UCID Cabdiraxmaan Maxamed
Cirro ayaa isaguna halkaasi ka waramay sidii ay u
daddaaleen dhamaan xubnaha xisbigan iyo taageerayaashiisa
dalka dibadiisa ku dhaqani iyo kaalmadii waynayd ee
ay ka gaysteen horumarka uu xisbigani gaadhay islamarkaana
ka warbixiyay dhaqaalaha iyo isku xidhnaanta xisbigan
dalka gudahiisa iyo dibadiisaba, uguna baaqay taageerayaasha
xisbiga inay halkaasi ka sii wadaan taageeradooda.
Intaasi
ka dib ayaa xubnaha xisbiga iyo taageerayaashiisuba
ay fursad u heleen inay su,aalahooda iyo aragtiyahoodaba
ka dhiibtaan shirka . Halkaasina waxyaabihii lagaga
hadlay waxaa ka mid ahaaa: nabadgelyada,dhaqaalaha,waxbarashada
,caafimaadka,deegaanka ,xidhiidhka dawladaha aan deriska
nahay iyo doorashooyinka soo socda intaba.
Waxaana
lagu soo gebagabeeyay shirakaasi salaadii cishaha
looguna duceeyay ummada musilinka ah oo dhan in ilaahay
dhibaatada ka saaro.
Maxamuud Maxamed
Email: cirro@jippii.fi
Posted by EDT- EUR.
Email: news@somalilandnet.com
|
