Gudoomiyaha ururka Dumarka hadhuudhleyda Marwo khadiija muse kooshin oo ku wareejisey deeqdan taakulada ah Gudoomiyaha degmada 26juun ayaa sheegtey in deeqdani aanay ahayn tii ugu horeysey ee ay gobolkaa sool u fidiyeen Balse ay hore ugu direen gadhi hadhuudh ah iyo sadex boqol oo kiish oo sibidh ah si ay uga Qayb qaataan dib u dhiska gobolka sool.
Gudoomiyaha degmada 26juun ee hargeysa ayaa ugu mahad celiyey ururka dumarka hadhuudhleyda ah deeqdan ay ugu deeqeen dib u dhiska gobolka sool ee Somaliland , isagoo sheegey inay tani dhiiri galin u tahay umada kale ee wadaniga ah tusaalena u tahay ururada kale ee aan wax taakulayn ah weli bixin.
Munaasibadan oo maanta ka dhacday xarunta degmada 26juun waxa Goob joog ka ahaa xubno ka mida ururka basasleyda caasimada hargeysa oo horaantii todobaankan bixiyey 10 milyan oo Somaliland shilin ah si ay iyaguna uga qayb qaataan taakulaynta gobolka sool ee Somaliland .
Posted by Wariye Mohamed Mussa inji
Hargeysa
Somaliland
News
Posted By: Wariye Mohamed Mussa inji on Jan 22 2008, 11 20
Email: Wariye Mohamed Mussa inji :news@somalilandnet.com |
